काठमाडौँ – नेपाली उद्यमी विष्णु सापकोटा अष्ट्रेलियामा आफ्नो व्यवसायलाई ठूला स्तरमा विस्तार गर्दै अरबपति बन्ने बाटोमा अघि बढेका छन्। उनले हालै आफ्नो मायालु ग्रुप अफ कम्पनिज अन्तर्गत ६ वटा नयाँ उत्पादन लञ्च गरेका छन्।
सापकोटाले नयाँ उत्पादनहरूको उद्घाटनका लागि गायक प्रमोद खरेललाई विशेष अतिथि बनाएर रिबन काट्न लगाएका थिए। उनका अनुसार अष्ट्रेलियन सरकारको सम्पूर्ण मापदण्ड पूरा गरेर यी उत्पादन बजारमा ल्याइएको हो।
लञ्च गरिएका नयाँ उत्पादन
राइस कुकर
स्मार्ट राइस कुकर
प्रेसर कुकर
एयर फ्रायर
वाटर किटल
कफी एण्ड स्पाइस ग्रिन्डर
हाल सिड्नीमा दुईवटा र क्यानबेरामा एकवटा स्टोरमार्फत बिक्री भइरहेको र अनलाइन अर्डरमार्फत अष्ट्रेलियाभर डेलिभरी दिइरहेको उनले बताए।
सापकोटाले हिजो सम्पन्न प्रमोद खरेल र द परम्पराको कार्यक्रममा बिक्रीको १० प्रतिशत रकम च्यारिटीमा दिने घोषणा गरे। नेपालमा अटिजम भएका बच्चाहरूको सहयोगार्थ उक्त रकम प्रदान गरिएको उनले जानकारी दिए।
उनले आगामी दिनमा नेपालमै मायालु उत्पादनको आउटलेट खोल्ने तयारी भइरहेको समेत बताए।
मायालु ग्रुप अफ कम्पनिज सन् २०१४ मा स्थापना भएको हो भने करिब डेढ वर्षदेखि आफ्नै उत्पादन बजारमा ल्याउँदै आएको छ।
प्रतिक्रिया
सम्बन्धित खवर
